ОРТАЛЫҚ АЗИЯ ЕЛДЕРІНІҢ ИНТЕГРАЦИЯСЫ МӘСЕЛЕЛЕРІ МЕН БОЛАШАҒЫ
##plugins.pubIds.doi.readerDisplayName##:
https://doi.org/10.48371/ISMO.2025.59.1.014Кілт сөздер:
интеграция, интеграция мәселелерірі, Орталық Азия, ынтымақтастық перспективалары, әлемдік державалар, Ресей, АҚШ, ҚытайАннотация
Осы зерттеуде Орталық Азиядағы қазіргі интеграциялық үдерістер талданады. Автор өңірлік бірегейліктің қалыптасуына ықпал еткен тарихи алғышарттарды қарастырып, аймақтағы мемлекеттердің ынтымақтастығына әсер ететін негізгі ішкі және сыртқы факторларды атап көрсетеді. Зерттеуде Ресей, АҚШ және Қытай сияқты жаһандық ойыншылардың рөліне ерекше назар аударылған, өйткені олар Орталық Азияның экономикалық әрі геосаяси әлеуетін өз мүдделеріне пайдалану мақсатында өңірдегі ықпалын күшейтуге ұмтылады. Жұмыста «Бір белдеу, бір жол», Еуразиялық экономикалық одақ және АҚШ-тың «Жаңа Жібек жолы» бастамаларының өзектілігі атап көрсетіліп, интеграцияның келешектегі бағыттарын айқындауда теңгерімді тәсілдің қажеттілігіне мән беріледі.Зерттеу барысында салыстырмалы талдау, халықаралық ұйымдардың құжаттарын зерделеу және пәнаралық әдіснаманы қолдану арқылы үдерістің әлеуметтік-мәдени, саяси және экономикалық қырларын ескеруге мүмкіндік жасалады. Нәтижесінде автор тілдік, құндылық және саяси айырмашылықтардан туындайтын кедергілерді анықтап, тиімді мәдениетаралық диалогтың маңыздылығын ерекше атап көрсетеді.Қорытындыда Орталық Азия елдері тұрақты интеграцияға қол жеткізу үшін ортақ тарихи-мәдени негізге және барлық қатысушылардың мүдделерін ескеруге сүйенген бірлескен стратегия әзірлеу қажет деген тұжырым жасалады. Зерттеу аймақтық қатынастарды үйлестіру және көпжақты байланыстарды нығайту өңірдің жаһандық аренадағы тұрақтылығы мен бәсекеге қабілеттілігін арттыратынын көрсетеді. Осылайша, ортақ мәдени-тарихи тамырлар мен жетекші сыртқы серіктестердің мүдделерін үйлестіруге негізделген өзара іс-қимыл үлгісі аймақта тұтас экономикалық және саяси кеңістікті қалыптастыруға берік негіз қалайды.
